बाइबलमा भएका शिक्षाहरू विषयगत रूपमा प्रस्तुत गरिएका छैनन् भनी तपाईंले पत्ता लगाइसक्नुभयो होला । उदाहरणको लागि, उत्पत्तिको पुस्तकले हामीलाई परमेश्वरको बारेमा पूर्ण व्याख्या दिएको छैन, नता अरू कुनै एउटै पुस्तकले यस विषयमा पूर्ण रूपमा बताएको छ । बाइबल अध्ययनगर्ने सबैभन्दा महत्वपूर्ण तरीकाचाहिँ खास विषयसँग सम्बन्धित सबै शिक्षाहरूलाई पत्ता लगाउनु हो । लेखकहरू फ्लोवाइड ऊडवर्थ र डेविड डंकनद्वारा लिखित यस पुस्तकलले विश्व र यसका शासकका बारेमा, मानवजाति र मानव विकासको निम्ति परमेश्वरले छान्नुभएको संरचनाको बारेमा पवित्रशास्त्र बाइबलले भनेको कुरालाई प्रणालीगत रूपमा अध्ययन गराउनेछ । भविष्यको बारेमा बाइबलले भनेको कुरालाई पनि विद्यार्थीहरूले पत्ता लगाउनुपर्नेछ ।
बाइबलले स्वर्गदूतहरूका बारेमा धेरै बताएको छ । यस पाठमा हामी स्वर्गदूतका चरित्रहरूका बारेमा अध्ययन गर्नेछौँ । हामी परमेश्वरका स्वर्गदूतहरू र शैतान र त्यसका दुष्ट स्वर्गदूतहरूको शुरू र स्वभावका बारेमा पनि अध्ययन गर्नेछौँ । अन्त्यमा, परमेश्वरको सर्वशक्तिमानताले दुष्टका सेनाहरूमाथि विश्वासीको विजयलाई पक्का गरिदिने कुरालाई हामी सिक्नेछौँ ।