पेन्तिकोसको दिनमा मण्डली शुरू भएपछि ख्रीष्टका अनुयायीहरूले सारा संसारभरि मण्डली स्थापना गरिरहेका छन् । नयाँ मण्डलीहरूको स्थापना र विकासको निम्ति योजना रणनीतिमा पवित्र आत्माको निर्देशनको मूल्यलाई यस पाठ्यपुस्तकका लेखक ल्यारी पेटले स्पष्ट पारेका छन् । सबै संस्कृतिहरू र मानिसहरूका बीचमा मण्डली स्थापना गर्नका लागि बाइबलले दिएका सिद्धान्तहरू र उद्देश्यहरू मार्गदर्शन हुन् ।
मानिसहरूको समूहले सुसमाचारमा प्रतिउत्तर दिएर ख्रीष्टमा विश्वासीहरू बनेपछि, अर्को महत्वपूर्ण कदमचाहिँ स्थानीय मण्डलीको रूपमा तिनीहरूलाई ख्रीष्टको शरीरमा ल्याउनु हो । आफैलाई शासन गर्न सक्षम हुने स्थानीय मण्डलीको निर्माणका सिद्धान्तहरू र सुसमाचार प्रचार र शिक्षणको यसको सेवामा निरन्तर रूपमा वृद्धि हुने र यसलाई पूरा गर्ने सम्बन्धमा यस पाठमा छलफल गरिनेछ ।
कुनै समूह स्व‑शासित स्थानीय मण्डलीमा निर्माण भएपछि त्यसको जिम्मेवारी त्यहीँ नै रोकिँदैन । ख्रीष्टको शरीरको रूपमा, मण्डलीले सिक्नैपर्छ कि यसको मिसनचाहिँ अरू मण्डलीहरू शुरू गर्नु हो । नयाँ मण्डलीहरू शुरू गर्दा नयाँ विश्वासीहरू आफै त्यसमा कसरी सहभागी बन्नसक्छन् भनी सिकाउनका लागि यस पाठमा उल्लिखित कदमहरूले तपाईंलाई मार्गदर्शन दिन्छन् ।
प्रत्येक स्थानीय मण्डली जीवित हुनुपर्छ र ख्रीष्टमा आत्माहरू जित्नका लागि क्रियाशील हुनुपर्छ भनी परमेश्वरको इच्छा छ र यसलाई सम्भव तुल्याउने योजना उहाँसँग छ भन्ने कुरा सत्य हो । तपाईंले यस पाठलाई अध्ययन गर्नुहुँदा तपाईंले प्रयोग गर्नको निम्ति उहाँको योजना पत्ता लगाउन पवित्र आत्माले तपाईंलाई सहयोग गर्नुभएको होस्, यसरी तपाईंको मण्डली गुणनात्मक वृद्धि हुने मण्डली बनोस् ।